વાચના દાતા : ભક્તિયોગાચાર્ય યશોવિજયસૂરિજી ભગવંત
પરમ સ્પર્શની યાત્રા
Subject : તમારા વિનાના અમે અમારા વિનાના
એક ક્ષણ પણ પ્રભુ વગર રહી ન શકાય. જો પ્રભુ હોય, તો જ હું હોઈ શકું; પ્રભુ વગર મારું અસ્તિત્વ ન હોઈ શકે – આવા પરમપ્રેમમાં આપણે જવું છે.
પ્રભુમિલન એટલે પ્રભુના આજ્ઞાધર્મનું મિલન. માત્ર શરીરના સ્તર પર આજ્ઞાનું પાલન એ મિલન નથી; અહોભાવપૂર્વક પ્રભુઆજ્ઞાનો સ્વીકાર એટલે આજ્ઞાધર્મનું મિલન.
જેમ જેમ આજ્ઞાનું પાલન વર્ષો, જન્મો સુધી વિસ્તરતું જાય, તેમ તેમ ગુણો વિકસતા જાય. અને પછી એ આજ્ઞા પ્રત્યેનો પ્રેમ અસ્તિત્વના સ્તર સુધી એવો જાય કે તમે પ્રભુ વિના, આજ્ઞાધર્મ વિના રહી ન શકો.
Place : ૐકારસૂરિ આરાધના ભવન – વેસુ (સુરત)
