વાચના દાતા : ભક્તિયોગાચાર્ય યશોવિજયસૂરિજી ભગવંત
પરમ સ્પર્શની યાત્રા
Subject : પુણ્યપ્રકોપ
સદગુરુની અહેતુક કૃપા, નિષ્કારણ પ્રેમ આપણા પર વરસી રહ્યો હોય છે. આપણા તરફથી બિલકુલ સમર્પણ ન હોય અને છતાં સદગુરુનો પ્રેમ આપણા ઉપર વરસ્યા કરતો હોય છે. કારણ? એ પ્રેમાવતાર છે; પ્રેમ આપવો એ જ એમનું કર્તવ્ય છે.
સદગુરુ નો આ પ્રેમ આપણને પ્રભુના પ્રેમમાં ડુબાડી દે અને જે ક્ષણે આપણે પ્રભુના પ્રેમમાં ડૂબ્યા, આપણે દોષોથી સંપૂર્ણતયા મુક્ત થઇ જઈએ.
સદગુરુ ક્યારેય ગુસ્સે ન થાય પણ જો શિષ્ય માટે જરૂરી હોય, તો પુણ્યપ્રકોપ કરે. ગુરુના ગુસ્સાને આપણે પુણ્યપ્રકોપ કહીએ છીએ. ગુરુ ભીતરથી તો એકદમ ઠંડા જ છે પરંતુ શિષ્ય માટે ગુસ્સો જરૂરી છે, તો એનો ઉપયોગ કરી લે છે. અને એ પણ એમનો પ્રેમ જ છે.
Place : ૐકારસૂરિ આરાધના ભવન – વેસુ (સુરત)
